ئەنجومەنی سەرکردایەتی یەکێتی کۆبووەوە

SNN

ئەنجومەنی سەرکردایەتی یەکێتیی نیشتمانیی کوردستان کۆبوونەوەی ئاسایی خۆی بەسەرپەرشتی بافڵ جەلال تاڵەبانی سەرۆکی  یەکێتی نیشتمانیی کوردستان ئەنجامدا.

بەپێی راگەیەندراوی کۆبوونەوەکە، “لەو کۆبونەوەیەدا کە رۆژی29/9/2022 لە سلێمانی لە هۆڵی کۆبوونەوەی ئەنجومەنی سەرکردایەتی سازکرا، گفتوگۆ دەربارەی کاری رێکخراوەیی و ڕاپۆرتی کۆمسیۆن و مەکتەبەکان کرا”.

ئاماژە بەوەشکراوە: “ئەنجومەنی سەرکردایەتی هەروەها سڵاو و نەوازشی خۆی نارد بۆ پێنجەمین ساڵیادی  ماڵئاوایی سەرۆک مام جەلال ڕابەر و سەرکردەی نەمری گەلەکەمان و پەیمانی دووپاتکردەوە، کە لەسەر ڕێبازی ئاوەدانی سەرۆک مام جەلال درێژە بە خەبات و تێکۆشانی  هەمە لایەنە بدات تا بەدیهێنانی هەموو ئامانجەکانی یەکێتیی نیشتمانیی کوردستان لە چوارچێوەی عێراقێکی دیموکرات و فیدڕاڵ و تەوافقی کە سەرۆک مام جەلال زیاتر لە شەست ساڵ خەباتی  بێوچانی  بۆ کرد تا بەدیهێنانی کۆڵی نەدا و سەری خست”.