کەی پێدانی کارەبا دەبێتە 24 کاتژمێری؟
كۆمهڵێك تاوهرى كارهبا له ههرێمى كوردستان | فۆتۆ: KRG
SNN-
وەزارەتی کارەبا رایگەیاند، پرۆژەی پریپەید بۆ 24 کاتژمێرکردنی کارەبا بەردەوامە و تا ئێستا شەش هەزار و 356 هاوبەش کراونەتە ئەو سیستەمە.
لە راگەیەندراوێکدا وەزارەتەکە بڵاویکردووەتەوە، ئەو هاوبەشانەی کە لە بازاڕی لەنگەی هەولێر و بازاڕی دهۆک و ئەڤرۆ ستی لە دهۆک کراونەتە سیستەمی پریپەید، 24 کاتژمێر کارەبایان هەیە.
وەزارەتی کارەبا ئاماژەبەوەشدەکات لە هەرێمی کوردستان شەش هەزار و 356 هاوبەشی کارەبا بە سیستەمی پریپەیدەوە بەستراون و ئەکتیڤ کراون بەمشێوەیەی خوارەوە:-
بازاڕی لەنگەی هەولێر 1457 هاوبەش.
بازاڕی دهۆک 1524 هاوبەش.
ئەڤرۆ ستی لە دهۆک 3385 هاوبەش.
وەزارەتی کارەبا دەشڵێت:”ئەم سیستەمە سەرەڕای باشترکردنی دۆخی کارەبا، بارگرانی سەر فیدەرەکانی کارەبا بە رێژەی 400% کەم دەکاتەوە و کرێی کارەباکەشی بە هەمان نرخی ئێستای کارەبایە”.
