بارزانی 250 ئەندامی كۆنگرە بێبەش دەكات لە كاندیدبوون بۆ سەركردایەتی
لۆگۆی پارتی دیموكراتى كوردستان | فۆتۆ: SNN
SNN-عەلی حەمەسەعید
لەگەڵ نزیكبوونەوە لەوادەی بەستنی گۆنگرەی 14ی پارتی دیموكراتی كوردستان، بەبڕیارێكی سەرۆكی ئەوحزبەلە كۆی 350 كەس كە ئەندامی كۆنگرەن و خۆیان بۆ ئەندامی سەركردایەتی بەربژێركردبوو، بەڵام بە فەرمانێكی ( مەسعودبارزانی) سەرۆكی پارتی، تەنها 100 كەس هەڵبژێردراون كە دەبێت لەكۆنگرە دەنگیان لەسەر بدرێت و 250 ئەندامی كۆنگرەی لەكاندیدبوون بۆ سەركردایەتی پارتی ڕەتكردووەتەوە، ئەوەش نیگەرانی ئەوئەندامانەی كۆنگرەی پارتی لێكەوتووەتەوە كە بە نیازبوون خۆیان بۆ سەركردایەتی بەربژێربكەن.
بەگوێرەی ئەو زانیارییانەی كە لە ئەندامانی كۆنگرەی 14ی پارتی دەست SNNكەوتوون ئەوەخراوەتەڕوو، ماوەی چەند رۆژێكە (مەسعودبارزانی) سەرۆكی پارتی تەواوی كاتەكانی خۆی بۆ چۆنیەتی بەڕێوەبردنی كۆنگرەی 14ی حزبەكەی تەرخانكردووە و فەرمانی بە دەوروبەرەكەی داوەكە هیچ دیدار و مەوعیدێك بۆ هیچ كەس ولایەنێك دانەنێتكە دەیانەوێتسەردانی ناوبراودەكەن، ئەوەشلە پێناو جێبەجێكردنی ئەوپلانەی كە بۆ كۆتایی هێنان بە كۆنگرەی داناوە لەبەرژەوەندی خۆیی و كوڕەكانی بەتایبەت ( مەسروربارزانی)
ئاماژەبەوەشكراوە، كۆی گشتی ئەندامانی كۆنگرە زیادلە 900 ئەندامن لەوژمارەیەش 350 ئەندامانی كۆنگرەی پارتی، خۆیان بۆ پۆستی ئەندامێتی سەركردایەتی بەربژێر كردبووە، بەڵام لەچەند ڕۆژی رابردوودا بە بڕیارێكی (مەسعود بارزانی) لەكۆی ئەو350كەسەی كە خۆیان كاندید كردبوو بارزانی تەنها مافی بە 100 كەس داوە خۆیان بۆ ئەندامی سەركردایەتی پارتی كاندید بكەن و 250 ئەندامی بێبەشكردووە.
SNN ئەوەشی زانیوە كەزۆرینەی ئەوئەندامانەی كۆنگرە كە بێبەشكراون لەوەی خۆیان بۆ ئەندامی سەركردایەتی كاندید بكەن نزیكبوون لە ( نێچیرڤان بارزانی) ئەوەش نیگەرانی ئەوئەندامانەی بەدوای خۆیدا هێناوە كە بەبڕیارەكەی مەسعود بارزانی ناتوانن خۆیان كاندید بكەن، هاوكات پێشیان وتراوە كە نابێت هیچ جۆرە هەڵوێستێك دەرببڕن.
