ترامپ خۆی بۆ سەرۆکايەتی ئەمريکا کانديد دەکات

SNN

راوێژکارێکی دۆناڵد ترامپ سەرۆکی پێشووی ئەمريکا رايگەياند: ترامپ خۆی بۆ هەڵبژاردنی سەرۆکايەتی ئەو وڵاتە لە ساڵی 2024 کانديد دەکات، بڕيارە رۆژی سێشەممە کەمپەينەکەی رابگەيەنێت.

جیسۆن میلەر، راوێژکاری پێشووی دۆناڵد ترامپ رايگەياند: چاوم بە ترامپ کەوت پێی راگەیاندم بە دڵنیاییەوە خۆم کاندید دەکەم، دەمەوێت خەڵک بزانن کە پێویستە ئەمریکا بخەینەوە سەر رێڕەوی راستەقینەی خۆی، هەر بۆیە دۆناڵد ترامپ رۆژی سێشەممە کاندید بوونی بۆ سەرۆکایەتی ئەمریکا رادەگەیەنێت.

رۆژی دووشەممەی هەفتەی رابردوو دۆناڵد ترەمپ، 45ـەمین سەرۆکی ئەمریکا لە لێدوانێکدا لە کاتی بەشداریکردن لە دەنگدانی نیوەوەرزی ئەمریکا لە بنکەیەکی دەنگدانی فلۆریدا رايگەياند: “رۆژی سێشەممە 15ی تشرینی دووەم، هەواڵێکی زۆر گرنگ لە ویلایەتی فلۆریدا رادەگەیەنم”.