لینکی دامەزراندن بۆ هاووڵاتییانی هەرێم لە پاسەوانی سنوور بڵاوکرایەوە

SNN-

وه‌زاره‌تی ناوخۆی عێراق، دەرفەتی دامەزراندنی بۆ 3000 کەس راگەیاند و ئەو کەسانەی ئارەزوومەندن دەتوانن تا رۆژی 18ی کانوونی دووەمی2023  لە رێگەی فۆرمی ئەلیکترۆنییەوە فۆڕمەکە پڕبکەنەوە.

کاروان خۆشناو، وتەبێژی ناوچەی یەکی پاسەوانی سنور لە پەیامێکی ڤیدیۆیدا دەڵێت، شەوی رابردوو ده‌رگای دامه‌زراندن بۆ 3000 کەس کرایەوە، بۆئەوەی ببنە پاسەوانی سنوور، فۆرمەکە بۆ ماوەی سێ رۆژ کارا دەبێت و لەئێستادا هاووڵاتییانی هەرێم دەتوانن ناوی خۆیان تۆماربکەن، تاوەکو بتوانن لە ریزی هێزه‌كانی پاسه‌وانی سنور خزمەت بکەن.

کاروان خۆشناو چۆنێتی پڕکردنەوەی فۆڕمەکە رووندەکاتەوە و دەشڵێت:” دەرفەتی دامەزراندنەکە  بۆ هەموو عێراق دەبێت، بەڵام پشکی سەرەکی بۆ هاووڵاتییانی هەرێمی کوردستان دەبێت، دامەزراندنەکەش لەرێگەی پڕکردنەوەی فۆرمی ئەلیکترۆنی دەبێت”.

فەرماندەی پاسەوانی سنوری عێراق سەر بە وەزارەتی ناوخۆی حکومەتی فیدڕاڵە، لە نزیکەی 50 هەزار پاسەوان  پێکهاتوون کە شەش فەرماندە لەخۆدەگرێت، فەرماندەی ناوچەی یەک تایبەتە بە هەرێمی کوردستان.

لەم بەستەرەوە فۆڕمەکە پڕ بکەرەوە.