“پارتیهكان به سوپاى عێراق دهڵێن: داگیركهر، بهڵام لایان ئاساییه لهناو ئهو سوپایه پۆستیان ههبێت”
لۆگۆى ئهنجوومهنى عهرهبى له كهركوك | فۆتۆ: ئهنجوومهنى عهرهبى
SNN
سهرۆكى ئهنجوومهنى عهرهبى له كهركوك رایدهگهیهنێت، بهرپرسانى پارتى سوپاى عێراق به داگیركهر ناودهبهن، بهڵام ئامادهن پۆست وهربگرن تێیدا، دهشڵێت: “بابهتى گهڕانهوهى پارتى بۆ كهركوك تهنیا بۆ میدیایه”.
حاتهم تاهى، سهرۆكى ئهنجوومهنى عهرهبى كهركوك، له نوێترین لێدوانى رۆژنامهوانیدا باسى بابهتى گهڕانهوهى پارتى دیموكراتى كوردستان بۆ كهركوك و لێدوانهكانى بهرپرسانى ئهو حزبهكهى كرد لهو بارهیهوه و ئهوهى خستهڕوو، “قسهى بهرپرسانى پارتى تهنیا بۆ میدیا و دروستكردنى هۆسهى میدیاییه، دهنا هیچ نیه، پارتى بههیچ شێوهیهك نیهتى گهڕانهوهى نییه بۆ كهركوك”.
وتیشى: “ئهوهندهى ئێمه زانیاریمان ههبێت، بههیچ شێوهیهك پارتى نیهتى گهڕانهوهى نییه بۆ كهركوك و تهنیا بۆ ههڵخهڵهتاندنى شهقام لێدوان لهبارهى گهڕانهوه دهدات”.
له بهشێكى ترى قسهكانیدا سهرۆكى ئهنجوومهنى عهرهبى كهركوك باس له جیاوازى نێوان ههڵوێست و كردارى بهرپرسانى پارتى دهكات و ئاماژه بهوهشدهكات، “بهرپرسانى پارتى تا ئێستاش سوپاى عێراق كه سوپاى فهرمى دهوڵهته به داگیركهر ناودهبهن، بهڵام له راستیدا زۆرینهیان پۆستیان ههیه لهناو ئهم سوپایهدا و بهلاشیانهوه ئاساییه”.
