یهكهمین كۆمپانیا دهستى به وهبهرهێنان كردهوه له نهوتى ههرێمدا
كێڵگهیهكى نهوتى له هەرێمی کوردستان | فۆتۆ: Haider Mohammed Ali / AFP
SNN
كۆمپانیایهكى سهركارى بوارى نهوت رایگهیاند، له رۆژى 25ى ئایارى ئهمساڵهوه دهستیان به وهبهرهێنان كردووهتهوه له كێڵگهى نهوتى سهرسنگ له ههرێمى كوردستان.
كۆمپانیاى ئێژ كهى ئێن كه كۆمپانیایهكى سهركاره لهبوارى وهبهرهێنانى نهوتیدا و له كێڵگهى سهرسهنگ كاردهكات له ههرێمى كوردستان له نوێترین راپۆرتیدا لهبارهى چالاكییهكانى له چارهگى دووهمى ئهمساڵدا رایگهیاند، “له رۆژى 25ى مانگى رابردووهوه دهستیان كردووهتهوه به وهبهرهێنان له كێڵگهى نهوتى سهرسنگ و رۆژانه 22 ههزار بهرمیل نهوت بهرههم دههێنن”.
له بهشێكى ترى راپۆرتهكهیدا كۆمپانیا نهوتییهكه ئهوهشى ئاشكرا كردووه، “چاوهڕێدهكهن بڕى 25 ههزار بهرمیل نهوت رۆژانه بخهنه بازاڕه ناوخۆییهكانهوه بۆ فرۆشتن، چونكه جگه لهو نهوتهى بهرههمى دههێنن بڕى 300 ههزار بهرمیل نهوتى عهمباركراویشیان ههیه”.
كۆمپانیاكه ئاماده نهبووه نرخى فرۆشتنى نهوتهكه ئاشكرا بكات و ئهوهشى روونكردووهتهوه، “نهوتهكه بهپێى رۆژانه نرخهكهى دیارى كراوه”.
ماوهى مانگێك و 26 رۆژه ههناردهى نهوتى ههرێم لهڕێگهى بهندهرى جهیهانى توركیهوه راگیراوه بههۆى بڕیارێكى دهستهى دادوهرانى ناوبژیوانى دادگاى پاریس، چونكه ئهو دادگایه ههناردهى نهوتى ههرێمى به نایاسایی له قهڵهمدا. بههۆى ئهم راگرتنهوه حكومهتى ههرێم رۆژانه 400 ملیۆن دۆلار زیانى پێدهگات و كۆى زیانهكهش تاوهكو رۆژى 18ى ئازار گهیشتووهته ملیارێك و 400 ملیۆن دۆلار.
