لە بارەی کارکردنی کامێراکانی پۆینت تو پۆینت شۆفێران ئاگاداردەکرێنەوە

SNN-

هاتووچۆی سلێمانی شۆفێران ئاگادار دەکاتەوە ودەڵێت:” لە سبەینێوە کامێراکانی تۆمارکردنی تیژڕۆیی خاڵ بۆ خاڵ سەرپێچی تۆمار دەکەن.

به‌ڕێوه‌به‌رایه‌تی هاتوچۆی پارێزگای سلێمانی لە راگەیەندراوێکدا ئاگاداری شۆفێران ده‌كاته‌وه‌، دوای كه‌وتنه‌كاری كامێراكانی چاودێری تیژڕه‌وی ناسراو به‌خاڵ بۆ خاڵ بۆ ماوه‌ی هه‌فته‌یه‌ك به‌شێوه‌ی تێست، له‌سبه‌ینێ دووشه‌ممه‌وه‌ 29ی ئایاری 2023ه‌وه‌، كاتژمێر 8:00ی سه‌رله‌به‌یانی له‌هه‌ردوو ڕێگه‌ی (سلێمانی- دوكان)، كامێراكان تیژڕه‌وی ئۆتۆمبێل تۆمار ده‌كه‌ن‌.

دەشڵێت، ئەو کامێرانە به‌گوێره‌ی بڕیاری ئه‌نجومه‌نی وه‌زیران ژماره‌ (79)ی ساڵی 2016، شۆفێری سه‌رپێچیكار سزا ده‌درێت.

هاتووچۆ داوا لە شۆفێران دەکات و دەڵێت:”داواكارین شۆفێران پابه‌ندبن به‌و خێراییه‌ی له‌ڕێگه‌كه‌ دیاریكراوه‌”.