بۆ دەستپێکردنەوەی هەناردەی نەوتی هەرێم عێراق و تورکیا ئەمڕۆ کۆدەبنەوە
SNN
ئەمڕۆ دووشەممە، 19ی حوزەیران تورکیا و عێراق بۆ تاوتوێکردنی دەستپێکردنەوەی ھەناردەی نەوتی ھەرێم کۆدەبنەوە، دوای نزیکەی سێ مانگ لە راگرتنی ھەناردەکردنی نەوت بەھۆی بڕیارەکەی دادگای ناوبژیوانی پاریسەوە.
عاسم جیھاد، وتەبێژی وەزارەتی نەوتی عێراق بەتەلەفیزیۆنی یەکێتی راگەیاند، ئەمڕۆ لەگەڵ لایەنی تورکیا لەبارەی دەستپیکردنەوەی ھەناردەی نەوت کۆدەبنەوە.
لای خۆیەوە، لیژنەی نەوت و غازی ئەنجومەنی نوێنەران، دوو پێشنیازی نوێ بۆ دەستپێکردنەوەی نەوتی ھەرێمی کوردستان دەخاتە بەردەم وەزیری نەوت تا لەرێگەی بۆرییەکانی عێراقەوە ھەناردە بکرێت.
