دوو وڵاتی عەرەبی ملیۆنان دۆلار بۆ ئاوەدانکردنەوەی غەزە تەرخاندەکەن

SNN

قەتەڕ و میسر بە بڕی سەدان ملیۆن دۆلاری بۆ ئاوەدانکردنەوەی ئەو ناوچانەی کەرتی غەزە تەرخانکردووە کە بەهۆی گرژییەکانی ئەم دواییەوە تووشی زیانبوون.

قەتەر رایگەیاندووە کە بڕی 244 ملیۆن دۆلاری بۆ ئاوەدانکردنەوەی 73 بینای حکومی و ئاو و ئاوەڕۆی غەزە تەرخانکردووە.

هاوکات میسر رایگەیاندووە کە بڕی 500 ملیۆن دۆلاری بۆ ئاوەدانکردنەوەی غەزە تەرخانکردووە و ئەو پارەیەش بۆ ئەو شوێنانەیە کە مووشەکەکانی ئیسرائیلی بەرکەوتووە.

گرژی و ئاڵۆزییەکانی نێوان ئیسرائیل و بزوتنەوەی حەماس 11 رۆژی خایاند و بەهۆیەوە زیان بەر بەشێک لە باڵەخانەکانی ئەو ناوچەیە کەوتووە، بەشێک لە وڵاتانی عەرەبیش پشتیوانییەکانی خۆیان بۆ گەلی فەڵەستین دووپاتدەکەنەوە.