داعش لە کەرکوک هێرشی کردە سەر هێزەکانی پۆليسی فيدڕاڵی

SNN

لە هێرشێکی داعشدا لە سنووری پارێزگای کەرکووک دوو پۆلیسی فیدراڵی کوژران و دووی دیکەش برینداربوون.

سەرچاوەیەکی ئەمنی لە پارێزگای کەرکووک رایگەیاند: “بەرەبەیانی ئەمڕۆ ژمارەیەک چەکداری داعش هێرشییان کردووەتە سەر بنکەیەکی هێزەکانی پۆلیسی فیدراڵی لە گوندی ئەسفەری سەر بە ناحیەی رەشاد، لە هێرشەکەی داعش دوو پۆلیس کوژران و دووی دیکەش برینداربوون، چەکدارێکی داعشیش کوژراوە”.

هاوکات لە چەند ناوچەیەکی دیکەی سەربە پارێزگای کەرکووک، چوار حەشارگە و دوو تونێلی چەکدارانی داعش تەقێندرانەوە،و سێ چەکداریش دەستگیرکران.