پۆلیسی سلێمانی: دوو تۆمەتبار بە دراوی ساختەوە دەستگیرکران
SNN
بەشی نەهێشتنی تاوانی بەڕێوەبەرایەتیی پۆلیسی سلێمانی، دوو تۆمەتباریان دەستگیرکرد کە بڕێک دراوی ساختەیان پێبووە و بەنیازبوون ساغیبکەنەوە.
لە ڕاگەیەندراوێکدا بەڕیوەبەرایەتیی پۆلیسی سلێمانی ئاشکرایکرد: “نوسینگەی نەهێشتنی تاوانی بەشی پۆلیسی چەمچەماڵ، بەهاوكاریی هێزەکانی ئاسایشی ڕۆژئاوا، شەوی ڕابردوو دوو تۆمەتباریان دەستگیرکرد”.
پۆلیسی سلێمانی راشيگەياندووە: “لەکاتی دەستگیرکردنی تۆمەتبارەکاندا دەستگیراوە بەسەر بڕێک دراوی بیانیی ساختەدا، کە بەنیازبوون ساغیبکەنەوە”.
لە راگەيەندراوەکەدا ئاماژە بە ناسنامەی تۆمەتبارەکان کراوە بەناوەکانی، (ب. ع. ع) و (ع. س. ع)، تۆمەتبارەکان بەپێی ماددەی 281ی یاسای سزادان ڕاگیراون و لێکۆڵینەوە لەگەڵیان بەردەوام دەبێت.
