بڕیاری یەكلاكەرەوە لەسەر دابەشكردنی مووچەی وهزارهتى پەروەردە درا
دراوى 25 ههزارى دینارى عێراق | فۆتۆ: SNN
SNN – عەلی حەمە سەعید
ههرچهنده سبهى دووشهممه بهبۆنهى عاشوراوه پشووى فهرمییه بهڵام حكومهتى ههرێم بڕیاریداوه بانكهكان كراوه بن بۆ ئهوهى مووچهخۆران بتوانن مووچهكانیان وهربگرن.
بەگوێرەی ئەو زانیارییانەی كە لە وەزارەتی داراییەوە بە SNN دراون، “هەرچەندە سبەی دووشەممە 8ى ئاب، بەبۆنهی عاشوراوە پشووی فەرمی راگەیەندراوە، بەڵام وەزارەتی دارایی گەنجیەنە و بانكەكانی ئاگاداركردووەتەوە كە سبەی دەوامی ئاسایی بكەن و مووچەی وەزارەتی پەروەردە دابەشبكرێت”.
ههر بهپێى زانیارییهكان، “لیستی مووچە كە وەزارەتی دارایی رایگەیاندووە گۆڕانكاری بەسەردا نایەت و ئەو خشتەیەی كە راگەیەندراوە وەك خۆی دەڕوات و ئەو رۆژانەی كە دیاریكراون بۆ دابەشكردنی مووچەی وەزارەتەكانی دیكە وەك خۆیان جێبەجێدەكرێن”.
به وتهى ئهو بهرپرسهى وهزارهتى دارایی كه SNN زانیارییهكانى لێوهرگرتووه، “پێناچێت بۆ ئەم مانگە هیچ گرفتێكی ئەوتۆ بۆ كەمی سیولە لە بانكەكانی سلێمانی دروستببێت و ئەو وادەیەی دیاریكراوە بۆ دابەشكردنی مووچە لەكاتی خۆیدا مووچە دابەشدەكرێت”.
