زیاتر لە 2000 سەرۆک بەشداریی رێوڕەسمی بەخاکسپاردنی شاژنی بەریتانیا دەکەن
SNN
ئەمڕۆ دووشەممە، 19ی ئەیلول، رێوڕەسمی بەخاکسپاردنی شاژنە ئیلیزابێزی دووەم، شاژنی پێشووی بەریتانیا بەڕێوەدەچێت و تێیدا زیاتر لە دوو هەزار سەرۆک و کەسایەتیی جیهان بانگهێشتکراون، یەکێك لەوانە نێچیرڤان بارزانی، سەرۆکی هەرێمی کوردستانە.
رێوڕەسمەکە لە هۆڵی وێستمنستەر ئەیبی، باڵەخانەی کۆنی پەرلەمانی بەریتانیا بەڕێوەدەچێت کە تەرمی شاژنی کۆچکردووی تێدایە، تێیدا سەرکردەکانی جیهان دێنە ئەوێ و سڵاوی خۆیان لە شاژنی کۆچکردوو دەکەن و دواتر لە دەفتەری وتەی سەرۆکەکاندا شتێک بۆ کۆچی دوایی شاژن دەنوسن.
