کاتی یەکەم بارانبارینی ئەمساڵ ئاشکرابوو

SNN-

شارەزایەکی کەشناسی کاتی یەکەم بارانبارینی پایزی ئەمساڵ ئاشکرا دەکات و دەڵێت:” لە سەرەتای مانگی داهاتوودا بەتایبەت لەنێوان 5 بۆ 9ـی ئەو مانگە ئەگەری یەکەم حاڵەتی بارانبارینی پاییزی ئەمساڵ ھەیە بۆسەر ناوچەکانمان کە حاڵەتێکی لاوازی ناسەقامگیری دەبێت “.

ئاراس جەبار، شارەزای بواری کەشناسی ئاماژەی بەوەشکرد:” ئەو لە چالاکبوونی با و دروستبوونی ھەورەبروسکە و نمەباراندا دەبینێتەوە و لە ھەندێ شوێندا بە دیارینەکراوی ڕێژەی بارانەکە زیاتر دەبێت:

دەشڵێت:”وەک پێشبینی دەکرا ماوەی دوو ڕۆژە پلەکانی گەرما لە ناوچەکانمان بەراورد بە ھەفتەی ڕابردوو بە ڕێژەی 2 تاوەکو 3 پلە بەرزبوونەوەی بەخۆیەوە بینیوە تاوەکو ناوەڕاستی ئەم ھەفتەیەش بەمشێوەیە جێگیر ئەبێت و لە 26ـی مانگەوە نزمبوونەوەی پلەکانی گەرما دەستپێدەکاتەوە “.