داخستنی فڕۆکەخانەی هەولێر رەتدەکرێتەوە

SNN-

فڕۆکەخانەی نێودەوڵەتی هەولێر رەتیدەکاتەوەکە هیچ گەشتێکی فڕۆکەخانەکەیان راگیرابێت، هەروەها داخستنی فڕۆکەخانەی هەولێریش رەتدەکاتەوە.

سەرچاوەیەک له فڕۆکەخانەی هەولێر به میدیای عێراقییەکانی راگەیاندووە، هەواڵەکان سەبارەت بە ڕاگرتنی گەشتی ئاسمانییەکان و داخستنی فڕۆکەخانەی نێودەوڵەتی هەولێر بڵاوبووەتە نادروست و بێ بنەمایە، گەشتەکان لەناو فڕۆکەخانەکەدا ئاساییە.

هەروەها ئەحمەد هۆشیار، بەڕێوەبەری فڕۆکەخانەی هەولێر رایگەیاندووە، دۆخی فڕۆکەخانەی هەولێر ئاساییە، خشتەی گەشتەکان بەشێوەیەکی ئاسایی بەردەوامە و هیچ جۆرە مووشەکێک یان فڕۆکەیەکی بێفڕۆکەوان فڕۆکەخانەکەی نەکردووەتە ئامانج.

دوێنێ هەینی دژە تیرۆری کوردستان ڕایگەیاند، درۆنێكی بۆمبڕێژكراو باڵەخانەیەكی نیشتەجێبوونی هاووڵاتییانی لە شاری هەولێر كردە ئامانج، بەڵام هیچ زیانێکی گیانی نەبووە.