بافڵ جەلال تاڵەبانی: بە یەکڕیزی و یەکدەنگی دەتوانین گەل و وڵاتمان بپارێزین

SNN

بافڵ جەلال تاڵەبانی، سەرۆکی یەکێتیی نیشتمانیی کوردستان لە بارەگای مەکتەبی سیاسی لە هەولێر پێشوازی لە ئەلینا رۆمانۆسکی، باڵیۆزی ئەمریکا لە عیراق کرد .

لەدیدارێکدا کە دەرباز کۆسرەت رەسوڵ، لێپرسراوی مەکتەبی پەیوەندییەکان ئامادەبوو، دوایین گۆڕانکارییە سیاسییەکان و بەزاندنی سەروەریی خاکی هەرێمی کوردستان و عێراق گفتوگۆیان لەبارەوەکرا و جەخت لە چارەسەرکردنی کێشەکان بەشێوەی دیالۆگ و لێکتێگەیشتن کرایەوە، بەشێوەیەک هیچ بیانوویەک بۆ بەئامانجگرتنی کەسانی مەدەنی نەمێنێتەوە.

سەرۆک بافڵ جەلال تاڵەبانی هەڵوێستی یەکێتی لەبارەی رووداو و گۆڕانکارییەکان روونکردەوە و رایگەیاند، یەکێتی پەرۆشی چارەسەرکردنی ئاشتییانەی ئەو کێشانەیە کە بوونەتە بەربەست لەبەردەم سەقامگیریی ناوچەکەدا، هەموو هەوڵێکیشمان لەپێناو یەکڕیزی و یەکدەنگیدایە تاوەکو بتوانین پێکەوە رووبەڕووی ئاڵنگارییەکان ببینەوە و گەل و وڵاتمان بپارێزین.

لەبارەی دوایین گۆڕانکارییەکانی پرۆسەی سیاسیی لە عێراق و کێشەکانی هەڵبژاردنی سەرۆکی ئەنجوومەنی نوێنەران، سەرۆک بافڵ وتی، هیوادارین بەزووترین کات ئەم کێشەیە چارەسەربکرێت و ببێتە مایەی کاراترکردنی دەسەڵاتی یاسادانان و خزمەتکردنی زیاتری خەڵک.