شاندی حکومەتی هەرێمی کوردستان بۆ مووچە دەچنەوە بەغدا

SNN-

بڕیارە ئەمڕۆ دووشەممە شاندێكی حكومەتی هەرێمی كوردستان، بۆ یەكلاییكردنەوەی پرسی مووچەی مانگی شوبات، سەردانی بەغدا دەكات.

میدیا عێراقییەکان لە زاری سەرچاوەیەکەوە بڵاویانکردووەتەوە، ئەمڕۆ دوو شەممە 18-3-2024، شاندێك بە سەرۆكایەتی ئاوات شێخ جەناب وەزیری دارایی حكومەتی هەرێم، سەردانی بەغدا دەكات و لەگەڵ جاسم عامێری سەرۆكی دادگای فیدراڵی تەیف سامی وەزیری دارایی كۆدەبێتەوە.

سەرچاوەکە راشیگەیاندووە، سەردانی شاندەكەی هەرێم بۆ مەبەستی گفتوگۆكردنە لەسەر پرسی جێگیركردنی مووچە و وادەی جێبەجێكردنی پرۆسەكە، لەگەڵ چۆنیەتی بەردەوامبوونی پەرەداكردن و ناردنی مووچەی پێشمەرگە و هێزە ئەمنییەكان، تا حكومەتی هەرێم بتوانێت مووچەی فەرمانبەران دابەشبكات.

ئەوە لە کاتێکدا ئەمڕۆ 46 بەسەر دابەشکردنی مووچەدا تێپەڕیوە تاوەکو ئێستا حکومەتی هەرێمی کوردستان مووچەی مانگی شوباتی رانەگەیاندووە.

دواجار رۆژی 6-1-2024، شاندی هەرێمی کوردستان بەسەرۆکایەتی ئاوات جەناب نوری وەزیری دارایی و ئابوری بەمەبەستی چارەسەرکردنی پرسی مووچەی فەرمانبەرانی هەرێمی کوردستان لە ڕێگای هەمواکردنەوەی یاسای بودجەی گشتی عێراق بۆ ساڵی 2024 سەردانی بەغدای کرد.