” بەربەستەکانی بەردەم چارەسەرکردنی گرفتی مووچەی هاووڵاتیانی هەرێم لا براون”

SNN

پەرلەمانتارێکی کورد لە بەغدا رایدەگەیەنێت: بەربەستەکانی بەردەم مووچەی هاووڵاتیانی هەرێم لابراون، بەڵامهێشتاش کۆمەڵێک کێشە لە نێوان حکومەتی هەرێم و حکومەتی فیدراڵ ماون.

د. بڕیار رەشید ئەندامی پەرلەمانی عێراق لە فراکسیۆنی یەکێتی رایگەیاند: “لە سەرەتای هەفتەی داهاتوو ئامادەکاری دەکرێت بۆ دابەش کردنی مووچەی مانگی سێ”.

باسی لەوەشکرد: “بەربەستەکانی بەردەم چارەسەرکردنی گرفتی مووچەی هاووڵاتیانی هەرێم لا براون، ئومێد دەکەین هیچ لایەنێکی سیاسی عێراق و کوردستان چارەسەری کێشەی مووچەی هاوڵاتیان بە هەڕەشە بۆ سەر پێگەو سەنگی خۆی نەزانێت”.

راشیگەیاند: “هەوڵەکانمان بەردەوامی دەبێت، هێشتا بابەت گەلێک هەن لە نێوان هەرێم و بغداد کە پێویستی بە هەوڵ و کۆششی هەموو لایەکە بۆ چارەسەربوون” .

ئەو پەرلەمانتارە لە کۆتاییشدا رایگەیاند: “گرنگە شاندەکانی هەرێم لە بەغدا دانەبڕێن و(کۆبونەوەی بەردەوام)  هەبێت بۆ ئەوەی کێشەکانی نێوان بەغدا و هەرێم کەڵەکە نەبن و زوو بتوانرێت هەماهەنگی دروست بکرێت بۆ چارەسەر کردنیان.”