کەشناسی: بۆ دوانیوەڕۆی ئەمڕۆ باران و هەورەبروسکەی بەهێز بەڕێوەیە

SNN-
کەشناسی هەرێمی کوردستان رایگەیاند، لە کاتەکانی نیوەڕۆ و دوای نیوەڕۆ کاریگەریی ئەم شەپۆلی بارانبارینە بەهێز دەبێت و هەورە تریشقە و لێزمە باران لەزۆربەی ناوچەکان دەبێت.

بەرێوەبەرایەتی گشتی کەشناسی و بوومەلەرزەزانی هەریمی کوردستان کەشوهەوای 48 کاتژمێری داهاتووی بڵاوکردەوە و رایگەیاند، ئەمڕۆ هەینی 03-05-2024 ئاسمان بە گشتی هەوری باراناوی دەبێت, بارانی مامناوەند و تاوە باران لە ناوچەی جیاجیا دەبارێت ،لە کاتەکانی نیوەڕۆ و دوای نیوەڕۆ کاریگەریەکە بەهێز دەبێت و هەورە تریشقە و لێزمە باران لەزۆربەی ناوچەکان دەبێت, بە تایبەت لە سنوری پارێزگای سلێمانی و هەڵەبجە و ئیدارەی گەرمیان، هەروەها بۆ کاتەکانی شەو پێشبنی دەکرێت کاریگەری ئەو شەپۆڵە لە زۆربەی ناوچەکان بەردەوامی هەبێت، بەڵام لە ناوچە شاخاوییەکانی پارێزگای هەولێر ئیدارەی سۆران و پارێزگای دهۆک زیاتر دەبێت پلەکانی گەرماش ٢-٥ پلە نزم دەبنەوە.

هەروەها سبەی شەممە 04-05-2024, ئاسمان هەورى باراناوی دەبێت و لێزمە باران و هەورە بروسکەی ناوبەناو لە زۆربەی ناوچەکان بە شێوەی پچڕپچڕ بەردەوامی دەبێت . لە کاتەکانی شەودا کاریگەریەکە کەمێک لاواز دەبێت وپلەکانی گەرماش بەرزتردەبنەوە.

بەرزترین پلەکانی گەرمای پێشبینیکراو بە پلەی سیلیزی
هەولێر : 21
سلێمانی : 20
دهۆک : 21
زاخۆ : 22
هەڵەبجە : 20
کەرکوک : 25
سۆران : 19
حاجی ئۆمەران : 13
گەرمیان : 26