سەمیر هەورامی: حکومەتی هەرێم بۆ تەوتینی مووچە ئامادەیی دەربڕیوە و نووسراوی بۆ بەغدا ناردووە

SNN-

وتەبێژی جێگری سەرۆکی حکومەتی هەرێمکوردستان نوێترین زانیاری لەبارەی هەنگاوەکانی حکومەت بۆ تەوتینکردنی مووچەی فەرمانبەران ئاشکا دەکات و دەڵێت:” حکومەتی هەرێمی کوردستان بۆ تەوتینی مووچەی فەرمانبەرانی هەرێم ئامادەیی دەربڕیوەو بۆ ئەو مەبەستەش نوسراوی بۆ بەغدا ناردوەو وەفدێکیش بۆ ئەو پرسە و چەندین پرسی گرنگی تر سەردانی بەغدایان کردووە”.

سەمیر هەورامی، وتەبێژی قوباد تاڵەبانی، جێگری سەرۆکی حکومەتی هەرێم رایگەیاندووە:”لە دواکۆبونەوەی ئەنجومەنی وەزیران دوو بڕیاری زۆر باش دراون، کە یەکێکیان ئەوەیە کە حکومەتی هەرێمی کوردستان ئامادەیە داهاتە نانەوتییەکان بەپێی رێکارە یاساییەکان بنێرێت بۆ بەغدا”.

دەشڵێت:بڕیاری دووەمیش ئەوەیە کە ئاساییە لای حکومەتی هەرێمی کوردستان مووچەی فەرمانبەرانی هەرێم تەوتین بکرێت و بۆ ئەو مەبەستەش نوسراو نێردراوە بۆ بەغدا، هاوکات وەفدێکی هەرێم بەسەرۆکایەتی سکرتێری ئەنجومەنی وەزیران چوەتە بەغدا، بۆ ئەو پرسە و چەندین پرسی گرنگی تر”

لەبارەی پلەبەرزکردنەوەی فەرمانبەرانیش وتەبێژەکەی جێگری سەرۆکوەزیران ئاماژەی بەوەکرد: “پلە بەرزکردنەوە کاتی ئەوێت و چەندین رێکاری یاسایی هەیە و موچەخۆرانی هەرێم دەبێت پێداچونەوە بە فایلەکانیان بکرێت، بۆیە ئەم پرسە کاتی ئەوێت”.

رۆژی 7ی 4ی 2024، وەزارەتی دارایی عیراق نووسراویكی فەرمیئاڕاستەی نوێنەرایەتی حکومەتی هەرێمی کوردستانی لە بەغدا کردووە و تێیدا داوایکردووە کە پێویستە مووچەخۆرانی هەرێم لە یەکێک لە بانکەکانی رەشید، رافیدەین، بانکی بازرگانی عیراقی تەوتینیان بۆبکرێتەوە.