لەبارەی بانکی تی بی ئای و هەژماری من زانیاری نوێ ئاشکرا دەکرێت

SNN

بریکاری پێشووی وەزارەتی دارایی عێراق رایگەیاندووە، تی بی ئای لەسەر “هەژماری من” نییە و دوو شتی جیاوازن، دەڵێت “نە تی بی ئای رازییە بچێتە سەر هەژماری من، نە هەژماری من رازییە تەوتین بکرێت”.

د.فازڵ نەبی، بریکاری پێشووی وەزارەتی دارایی عێراق بۆ دەنگی ئەمەریکا رایگەیاند: “نە تی بی ئای سەر بەهەژماری منە، نەهەژماری منیش سەر بەتەوتین و تی بی ئای-یە، دوو شتی جیاوازن، ڕاستییەکە ئەوەیە، نە تی بی ئای ڕازییە بچێتە ناو هەژماری من، نەهەژماری من ڕازییە تەوتین بکرێت.

ئاماژەی بەوەکردووە، دوای فشارێکی زۆر لەسەر حکومەتی عێراق ئەم مانگەش مووچەیان نارد، بۆیە ئەگەر ئەو کێشەیە لەبنەڕەتەوە چارەسەر نەکرێت ئەوا لە مانگی پێنج گەورەتر دەبێت.

وتوویەتی “من پێشتر قسەم لەگەڵ وەزارەتی دارایی عێراق کردووە و وتیان مانگی چوار ڕەنگە مووچە بنێرین، بەڵام ئەگەر ئەو دوو گرفتە چارەسەر نەکرێت (تەوتین و داهاتی ناوخۆ) ئەوا مووچەی مانگی پێنج نانێرن”