ئەنجوومەنی وەزیران کۆدەبێتەوە و دەنگ بە هەمواری یاسای بودجە دەدات

SNN

ئەندامێکی لیژنەی دارایی لە ئەنجومەنی نوێنەرانی عێراق رایگەیاند، رۆژی یەکشەممە ئەنجومەنی وەزیران دەنگ بە هەمواری یاسای بودجە دەدات، دواتر رەوانەی ئەنجومەنی نوێنەرانی دەکات.

ئەمڕۆ پێنجشەممە 16ی ئایار، مستەفا کرعاوی، ئەندامی لیژنەی دارایی لە ئەنجومەنی نوێنەرانی عێراق بە میدیا عێراقییەکانی راگەیاندووە، رۆژی یەکشەممەی داهاتوو ئەنجومەنی وەزیران کۆبوونەوەیەکی نائاسایی سازدەکات و دەنگ بە هەمواری یاسای بودجەی 2024 دەدات، ئەمەش لە پێناو ئەوەی بە زووترین کات رەوانەی ئەنجومەنی نوێنەران بکرێت.

روونیکردووەتەوە، هەوڵدەدەین لە ماوەی ئەم مانگەدا لە ئەنجومەنی نوێنەرانیش دەنگ بە پرۆژە یاساکە بدەین و ئەو پرۆژانەی بەهۆی تەرخاننەکردنی داراییەوە وەستاون دەستپێبکەنەوە.