عێراق لە پلەی 50 دێت لە کۆی 210 وڵاتی جیهان لەبەکارهێنانی کارەبا

SNN

رێکخراوی وزەی جیهانی ئاماری ئەو وڵاتانەی بڵاوکردنەوە کە زۆرترین کارەبا بەکاردەهێنێت، لە ئاستی 210 وڵاتی جیهانی عێراق لە پلەی 50مین دێت کە بۆ هەر کاتژمێرێکی ساڵانە 52 تێراوات کارەبا بەکاردەهێنێت.

بەپێی ئامارەکە سەرەڕای ئەوەی کە کاتژمێرەکانی کارەبا لە وڵاتی عێراق کەمە، بەڵام بەکارهێنانی کارەبا و ئەو ئامێرانەی کە کارەبای زۆریان پێویستە لە عێراقدا بەشێوەیەکی بەرچاو بەکاردێت، وەک ئامێرەکانی فێنکەرەوە و گەرمکەرەوە، سەرەڕای، ئەوەی وڵاتانی ئیمارات و سعودییە لە پێش وڵاتی عێراقەوە دێن بۆ بەکارهێنانی کارەبا.

بەپێی ئامارەکە وڵاتی چین لەسەر ئاستی جیهانی لە پلەی یەکەمدا دێت، بە بەکار‌ینای 8500 تێراوات کارەبا بۆ هەر کاتژمێرێک کارەبا لە ساڵێکدا، ئەمریکا لە پلەی دووەمدا دێت و هیندستانیش لە پلەی سێیەمدا، لە وڵاتانی عەرەبیشدا سعودییە زۆرترین کارەبا بەکاردەهێنێت.