کەشناسی: بارانبارین بەردەوام دەبێت و پلەکانی گەرماش بەرزدەبنەوە

SNN-

بەڕێوەبەرایەتی گشتی كەشناسی و بوومەلەرزەزانی، پێشبینییەكانی بۆ كەشوهەوای ئەمڕۆو سبەینێ بڵاوكردەوە و رایگەیاند، پلەکانی گەرما بەرزتر دەبنەوە.

بەگوێرەی پێشبینییەكان، ئەمڕۆ هەینی 24-05-2024، ئاسمان بە گشتی لەنێوان پەڵە هەور و نیمچە هەور دەبێت، لە گەڵ بوونی تۆزێكی كەم لە كەشدا، هاوكات پلەكانی گەرماش بەراورد بە تۆماركراوەكانی دوێنێ، بە نزیكەی 1 تا 2 پلە بەرزتر دەبێت.

سبەینێ شەممە 25-05-2024، ئاسمان نیمچە هەور دەبێت و لە هەندێك ناوچە دەگۆڕێت بۆ هەوری تەواو، لە ناوچە شاخاوییە بەرزەكانیش ئەگەری كەمێك بارانبارین و هەورە بروسكە هەیە، هاوكات پلەكانی گەرما نزیكدەبێتەوە لە تۆماركراوەكانی ئەمڕۆ.

بەرزترین پلەکانی گەرمای پێشبینیکراو بە پلەی سیلیزی
هەولێر : 34
سلێمانى: 33
دهۆک : 34
زاخۆ : 35
هەڵەبجە : 35
کەرکوک: 38
سۆران : 30
حاجی ئۆمەران: 20
گەرمیان : 20