سەرۆکی فەرەنسا: ئێستا کاتێکی گونجاو نییە بۆ داننان بە دەوڵەتی فەڵەستین

SNN
سەرۆكی فەڕەنسا رایگەیاند، لە ئێستادا داننان بە دەوڵەتی فەڵەستین گونجاو نییە و پێویستە ئەو وڵاتە چاكسازیی ئەنجامبدات.

ئەمڕۆ هەینی 7ی حوزەیران، ئیمانوێل ماكرۆن، سەرۆكی فەڕەنسا لە چاوپێكەوتنێكی تەلەفزیۆنیدا ڕایگەیاند، ئێستا كاتی ئەوە نییە دانبنرێت بە دەوڵەتی سەربەخۆی فەڵەستیندا.

وتوویەتی “لە ژێر فشاردا داننانێین بەو دەوڵەتەدا بەڵكو بە هەنگاوە یاساییەكانی خۆمان دانی پێدادەنێن”.

ئاماژەیبەوەکردووە، داننان بە دەوڵەتی فەڵەستین لە بابەتە قەدەغەكراوەكان نییە، بەڵام ئێستا كاتی نییە، كە كاتی هات ئەوانیش بە دڵنیایەوە ئەو كارەدەكەن، بەڵام پێویستە ئەو وڵاتە چەندین چاكسازی ئەنجام بدات.

ئەمە لە کاتێکدایە، لە كۆی 190 وڵات، تا ئێستا 143 وڵات بە فەرمی دانیانناوە بە دەوڵەتی سەربەخۆی فەڵەستیندا، هاوکات داوا لە ئیسرائیلیش دەکەن تاوانی جەنگ رابگرێت.