گۆڕانکاریی لە گۆمی فێڵاودا دەکرێت

SNN

لە پێناو پاراستنی سروشتی ناوچەکە و زیاتر هاندانی گەشتیار بۆ سەردانکردنی گۆمی فێڵاو، ئیدارەی سۆران رێکاریی نوێ لەو ناوەچە گەشتیارییەدا دەگرێتە بەر.
گۆمی فێڵاو یەکێکە لە ناوچە گەشتیارییە تایبەتەکانی ناوچەی سۆران و خەڵکی ساڵانە و لە وەرزەکاندا سەردانی دەکەن،بۆ ئەومەبەستەش ئیدارەی ناوچەکە بڕیاریداوە کێشەکانی ئەو ناوچەیە چارەسەر بکەن.

فه‌یسه‌ڵ سادق، بەرێوەبەری گشتی گەشتوگوزاری سۆران ئاماژەی بەوەکردووە، رێكارى نوێ له‌و شوێنه‌ بۆ گه‌شتیاران و گروپه‌كانى شاخه‌وانى ده‌گیرێته‌ به‌ر و ئه‌وه‌ى پابه‌ندیشی نه‌بێت لێپرسینه‌وه‌ى له‌گه‌ڵ ده‌كرێت.

جەختی لەوە کردووەتەوە، ئاگركردنه‌وه‌ له‌لایه‌ن گه‌شتیاران و دروستكردنى كه‌مپین له‌لایه‌ن گروپه‌كانى شاخه‌وانى به‌هه‌موو شێوه‌یه‌ك له‌و شوێنه‌ قه‌ده‌غه‌یە، هاوکات سەرقاڵی نۆژەنکردنەوەی شوێنەکە و قیرتاوکردنی رێگاکەی دەکەن.