“داوامان لە حکومەتی هەرێم کردووە لە بەغدا تانە بدات لە لەشکرکێشییەکانی تورکیا”

SNN

عەبدولکەریم عەبتان، ئەندامی ئەنجوومەنی نوێنەرانی عێراق سەر بە لیستی تەقەدومی محەمەد حەلبوسی، لە لێوانێکدا بە میدیاکانی راگەیاند: مووچەی فەرمانبەرانی هەرێم مافێکی راستەقینەوەی خۆیانە کە لەلایەن بەغداوە بۆیان دابینبکرێت، پێویستە مووچە و شایستەی هاووڵاتیان لە کێشەو ناکۆییە سیاسییەکان دەربکرێت.

دەشڵێت: چەندین جار باسم لەوە کردووە کە مووچەی فەرمانبەران هێلی سوورە، چونکە ئەوانیش هاووڵاتییەکی عێراقی و پێویستە ماف و شایستە داراییەکانیان دابین بکرێت.

لەبارەی لەشکرکێشییەکانی تورکیا عەبدولکەریم وتی” هەر دەستدرێژیەک بۆ سەر یەک بستی خاکی هەرێم دەستدرێژییە بۆ سەر تەواو خاکی عێراق، بەپێی یاسا نێودەوڵەتییەکان هەر هاتنەناوەوەیەک بۆ خاکی وڵاتان بە دەستدێژەی بۆ سەر خاک و سەروەری ئەو وڵاتە دادەنرێت، دواشمان کردوو هەرێم داوا تۆماربکات لەسەر لەشکرکێشییەکانی تورکیا، و دەبێت حکومەتی ناوەند چارەسەری بکات، هەر کەسێکیش لەم هێرشەنەدا شەهیدبێت یاخود برینداربێت وەک دەستدرێژی دادەنرێت بۆ سەرجەم هاووڵاتیانی عێراق”.

داواشمان لە نوێنەری حکومەتی هەرێمی کوردستان کردووە، کە داوا و تانە بدات لە لەشکرکێشییەکانی تورکیا و پێشکەشی بکات بە باڵیۆزخانەی تورکیا لە عێراق، دواتر ئەوەشمان لا روون دەبێتەوە کە هەر کەسێک دەستدرێژی کردبێتە سەر خاکی هەرێم و هاتبێتە نێو خاکی عێراق دەتوانین لە رێگەی حکومەتی ناوەندەوە چارەسەریت بکەین.

لەبارەی داخستنی ئاسمان تورکیا بەرووی فرۆکەخانەی سلێمانیدا ئاماژەی بەوەکرد، فرۆکەخانەکانی عێراق سەرجەمیان خاوەنی سەروەری خۆیانن، داخستنی ئاسمانیش بەرووی هەر فرۆکەخانەیەکی عێراقدا، دەستدرێژییەکی ئاشکرا و روونە بۆ سەر خاکی عێراق و ئاسمانەکەی.