خولی دووەمی هەڵبژاردنی سەرۆکایەتی ئێران بەڕێوەدەچێت

SNN-

دوای یەک هەفتە لە بەڕێوەچوونی خولی یەکەمی هەڵبژاردنەکانی ئێران، ئەمڕۆ هەینی 5ی تەمموزی 2024، خولی دووەمی 14 هەمین خولی هەڵبژاردنی سەرۆککۆماری ئێران بەڕێوەدەچێت کێبڕکێی توند لەنێوان مەسعود پزشکیان و سەعید جەلیلی هەیە.

لە خولی یەکەمدا هیچ کام لە چوار کاندیدەکە نەیانتوانی 50%ی دەنگەکان بەدەستبهێنن، لە کاتێکدا کاندیدی چاکسازیخواز، مەسعود پزشکیان بە بەدەستهێنانی 10.4 ملیۆن دەنگ توانی لەپێش سێ کاندیدەکەی دیکەوە بێت، هاوکات سەعید جەلیلی 9.4 ملیۆن دەنگی بەدەستهێنا.

لەم خولەدا هەر یەکێک لە دو کاندیدەکە زۆرترین رێژەی دەنگ بەدەستبهێنێت، دەبێتە سەرۆککۆماری ئێران.

رۆژی 28ـی حوزەیرانی 2024، هەڵبژاردنی 14ـەیەمین خولی هەڵبژاردنی سەرۆککۆماری ئێران لە نێوان چوار کاندیددا بەڕێوەچوو، بەگوێرەى ئامارى هەڵبژاردنەکان، لەو 61 ملیۆن و 452 هەزار کەسەی مافی دەنگدانیان هەبوە، زیاتر لە 24 ملیۆن و 535 هەزار کەس بەشداریی هەڵبژاردنیان کردوە و رێژەی بەشداریکردنی خەڵک نزیکەی 40% بووە.