نرخی کارەبای موەلیدەی سیتییەکان دیاریکرا

SNN
بەڕێوەبەرایەتی گشتی کارەبای سلێمانی ئەمڕۆ یەکشەممە رایگەیاند: لیژنەی باڵای دیاریکردنی نرخی کارەباى کۆمەڵگاکانى نیشتەجێبوون (ستییەکان) کۆبوونەوەیەکی سازکردو تیایدا نرخی کیلۆواتی کارەبای موەلیدەی بۆ مانگی تەمووز (7) دیاریکرد، کە بریتییە لە (258) دینار بۆ هەر کیلۆواتێک.

دەشڵێت: بەگوێرەی نرخی گازوایل لەبازاڕ و ئەو توێژینەوەیەی بۆ خەرجی موەلیدەی ستییەکان ئامادەکراوە نرخی کیلۆوات ئاوەڕێک کارەباى موەلیدەى ستییەکان بۆ ئەم مانگە (تەمووز) بریتییە لە (258) دینار.

جێى ئاماژە بۆکردنە مانگى 6 (حوزەیران) نرخى کیلۆواتێک کارەباى موەلیدەى ستییەکان (254) دینار بوو، هەروەها پێویستیشە سەرجەم ستیيەکانی سنووری پارێزگای سلێمانی پابەندبن بەنرخەکەوە، بەپێچەوانەوە ئەگەر زیاتر لەو نرخە وەربگرن رووبەڕووی رێکاری یاسایی دەکرێنەوە.