“بەرگری لە خاکی ئیسڕائیل دەکەین و لەگەڵ راگەیاندنی ئاگربەستین لە غەززە”

SNN

لۆید ئۆستن، وەزیری بەرگری ئەمریکا لە پەیوەندییەکی تەلەفۆنیدا لەگەڵ یۆواڤ گڵێنت هاوتا ئیسڕائیلیەکەی، ئەنجامدا و دواین گۆڕانکارییەکانی رۆژهەڵاتی ناوەراست و مەترسییەکانی سەر خاکی ئیسڕائیل تاوتوێ کران.

ئۆستن، لە تۆڕی کۆمەڵاتی “X” رایگەیاند: لەگەڵ وەزیری بەرگری ئیسڕائیل باسمان لە جوڵەکانی سوپای ئەمریکا کرد لە ناوچەکە و بەرگریکردن لە وڵاتانی عەرەبی لە هەر مەترسییەک کە لەسەریان بێت، لەگەڵ ئەوەشدا باس لە جوڵەکانی ئەمریکا کرا بۆ بەرگریکردن لە خاکی ئیسڕائیل لەکاتی بوونی هەر هێرشێکدا و بە هەمانشێوە راگەیاندنی ئاگربەست لە غەززە.

وەزیری بەرگری ئەمریکا ئەوەشی باس کردووە، گەیشتنی کاروانێکی دیکەی فرۆکەی (ئێف 22 راپترۆر)ی ئەمریکی یەکێکی دیکەیە لە هەنگاوەکانی ئەمریکا بۆ پاراستنی ناوچەکە و ئیسڕائیل لە هەر هێرش و مەترسییەکی تیرۆر.

ئۆستن، جەختی لە راگەیاندنی ئاگربەست کردەوە لە غەززە و بەزوترین کات دیلەکانی ئیسڕائیل کە لە دەستی حەماسدان ئازاد بکرێن.