بەهەوڵە سەركەوتووەكانی سەرۆك بافل پلانی ناوخۆیی و هەرێمی دژ بە یەكێتی و كەركوكییەكان لەگۆڕنرا
بافڵ تاڵهبانى | فۆتۆ: SNN
SNN-عەلی حەمە سەعید
دوای تیێپەڕبوونی نزیكەی هەشت مانگ بەسەر هەڵبژاردنی ئەنجومەنی پارێزگای كەركوك، دواجاری شەوی ڕابردوو تواندرا پاریزگار و سەرۆكی ئەنجومەنی پارێزگا هەڵبژێردرێن، ئەندامێكی ئەنجومەنی پارێزگای كەركوكیش جەخت دەكاتەوە كە لە ئەمڕۆوە قۆناغێكی نوێ لە كەركوك دەستپێدەكات و پلانە دوژمنكارییە هەرێمی و ناوخۆییەكان لەگۆڕنران.
هۆشیار هیجران، ئەندامی ئەنجومەنی نوێنەرانی پارێزگای كەركوك لە لیستی كەركوك هێزو ئیرادەمانە بە SNNی ڕاگەیاند: ئێمە لە فراكسیۆنی یەكێتی بەگشتی و سەرۆك بافڵ جەلال تاڵەبانی بەتایبەتی هەمیشە لەگەڵ ئەوەدا بوو كە كورد یەك دەنگبین و یەكگرتوو بین بۆ خزمەتی زیاتری گەلەكەمان لە سنوری كەركوك، بەڵام دیاربوو بەفشاری وڵاتێكی هەرێمی لەسەر یەكێك لە حزبە سیاسییەكانی كورد و توركمان نەتواندرا ئەو یەكگرتوویە بێتە دی.
ئاماژەی بەوەشكرد، بەهەوڵە سەركەوتووەكانی سەرۆك بافڵ دواجرا توانیمان زاڵبین بەسەر ئەو چەقبەستوویەی كە لە كەركوك هێندرابوویە كایە، چونكە پلانێكی ناوخۆیی و هەریمی هەبوو بۆ ئەوەی كورد پەراوێزبخرێت و ئەو پشكانەی كە مافی خۆیەتی لە ئیدارەی خۆجێی كەركوك پێی نەدرێت، بەلام دواجار ئەو پلانانە سەرجەمیان پوچەڵكرانەوە.
ئەو ئەندامەی ئەنجومەنمی پارێزگای كەركوك ئەوەشی خستەڕوو، لە ئەمڕۆوە قۆناغێكی نوێ لە كەركوك دەستپێدەكات، چونكە وەك سەرۆك بافڵ بەڵێنی بە كەركوكیەكاندا بە سیاسەتی سەرۆك مام جەلال لەكەركوك كاردەكەن و پۆستی پارێزگاری كەركوكیش لە خزمەتی هەموو هاووڵاتیان بەكار دەهێنن نەك تەنها بۆ خزمەتی پێكهاتەیەك وەك ئەوەی پێشتر دەكرا.
