“ئەوەی ئەمڕۆ لە بەڕێوەبەرایەتی هاتووچۆ روویدا بایکۆت نەبوو”
SNN
ئاسۆ بارام، بەڕێوەبەری هاتووچۆی سلێمانی تایبەت بە SNNی راگەیاند: ئەوەی ئەمڕۆ لە بەڕێوەبەرایەتی هاتووچۆی سلێمانی روویدا بایکۆت نەبوو، بەڵکو بەهۆی ئەوەی یەکەم رۆژی دەوامی ئەم هەفتەیە بوو لۆدێکی زۆر لەسەر بەڕێوەبەرایەتییەکەمان هەبوو، وا بڵاوکرایەوە کە بایکۆت ئەنجام دراوە بەڵام ئەو هەواڵانە دوورن لە راستییەوە.
بەڕێوەبەری هاتووچۆی سلێمانی ئەوەشی بۆ SNN، دووپات کردەوە، لەکاتی ئێستادا دەوام لە بەڕێوەبەرایەتییەکەمان ئاساییە و مامەڵەی هاووڵاتیان بەڕێ دەکرێت، ئەوەشی روویداوە بایکۆت نەبووە، بەڵکو لۆد و قەرەباڵخییەکی زۆری هاووڵاتیان بووە لە سەرەتای کردنەوەی دەوامی بەرێوەبەرایەتییەکەمان.
وتیشی ” هەر ئەمڕۆ بەڕێوەبەری گشتی هاتووچۆ و دیوانی وەزارەت هاتنە سەر خەت، بۆ جێبەجێکردنی هەر داواکارییەک کە هەمانبێت، هەروەها کێشەی دواکەوتنی مووچە تەنیا پەیوەندی بە بەڕێوەبەرایەتی ئێمەوە نییە بەڵکو سەرجەم مووچەخۆرانی هەرێم دابەشکردنی مووچەیان دواکەوتووە”.
