لە بەغدا 17 زیارەتکاری ئێران بەهۆی رووداوی هاتووچۆوە بوونە قوربانی

SNN

بەرەبایەنی ئەمڕۆ یەکشەممە، لە رووداوێکی هاتووچۆدا لە باشووری بەغدا پاسێکی زیارەتکارانی شیعە تووشی رووداوەی هاتووچۆ دەبێتە و بەهۆیەوە 17 کەس دەبنە قوربانی.

سەرچاوەیەکی ئەمنی، بە میدیا عێراقییەکانی راگەیاند، رووداوەکە کاتژمێر سێ-ی بەرەبەیانی ئەمڕۆ لە ناوچەی نزیک لە پاڵاوگەی دۆرە لە باشووری بەغدا روویداوە، کە تێیدا پاسێکی کۆستەر کە زیارەتکارانی ئێرانی، بۆ چلەی ئیمام حسێن دەگواستەوە، تووشی رووداوێکی هاتووچۆ بوو کە بەهۆیەوە 15 کەس بریندار بوون و دوو کەسیش گیانیان لەدەستدا، برینی بەشێکیان سەختە.

لەکاتی رووداوەکەدا، تیمەکانی فریاگوزاری راستەوخۆ گەیشتوونەتە شوێنی رووداوەکە و بریندارەکانیان بۆ نەخۆشخانە گواستووەتەوە.