باڵیۆزی ئەمریکا لە عێراق نیگەرانی لە پڕۆژەیاسای ھەمواری یاسای باری کەسێتی دەردەبڕێت

SNN-

باڵیۆزی ئەمریکا لە عێراق نیگەرانی خۆی لە پڕۆژەیاسای ھەمواری یاسای باری کەسێتی دەردەبڕێت.

ئەلینا رۆمانوسکی، لە پەیامێکیدا لە تۆڕی کۆمەڵایەتی ئێکس پەیامێکی لەبارەی پڕۆژەیاسای ھەمواری یاسای باری کەسێتی بڵاوکردووەتەوە و دەڵێت:” نیگەرانن لە ھەموار پرۆژە یاساکە کە لە ئەنجومەنی نوێنەرانی عێراق پێشنیازکراوە”.

دەشڵێت:” ئەو ھەموارە ھۆکار دەبێت بۆ پێشێلکردنی مافی ژنان و منداڵان، بۆیە ھانی عێراقییەکان دەدەن گفتوگۆی مەدەنییانە بکەن کە ڕێز لە ئازادی ئاینی بگرن و مافی ژنان و منداڵان لەبەرچاو بگیرێت.

لە سەرەتای مانگی ئابی ئەمساڵدا، ئەنجومەنی نوێنەرانی عێراق بڕگەی ھەموارکردنەوەی پڕۆژەیاساکەی بۆ خشتەی دانیشتنەکانی زیاکرد، تا ئێستاش خوێندنەوەی یەکەمی بۆ کراوە و چەندین خۆپیشاندانی ناڕەزایی بەتایبەت لەلایەن ڕێکخراوەکانی ژنانەوە لێکەوتووەتەوە.