“کێشەی مووچە بەو جۆرە چارەسەر نابێت کە حکومەتی هەرێم دەیەوێت”
سۆران عومه‌ر، ئه‌ندامى فراكسیۆنى كۆمه‌ڵ له په‌رله‌مانى كوردستان
SNN
سۆران عومەر ئەندامی په‌رله‌مانی عێراق رایگەیاند: رەخنەکانی بەغدا لە لیستی مووچەخۆرانی هەرێم ڕاستە، بەڵام وەزارەتی دارایی دەیەوێت بیانوی بۆ بهێنێتەوە، دەشڵێت، کێشەی مووچە بەم شێوەیە چارەسەر نابێت، چونکە کەم و کوڕیەکان زۆر لەوە گەورەترن کە وەزارەتی دارایی هەرێم بە چەند خاڵێک ئاماژەیان پێ دەکات.
سۆران عومەر له‌باره‌ی هۆكاری دواكه‌وتنی موچه‌ی فه‌رمانبه‌رانی هه‌رێمی كوردستان، به ده‌نگی ئه‌مریكا-ی راگه‌یاندووه، “بیانووەکانی هەرێم ڕاست نیین، چونکە بە نمونە بەبێ بایۆمەتری مووچەی کەس نادرێت لە هەرێم، بەڵام کاتێک دەزانن بەغدا جدییە بە دەنگ دێن. بەغدا قبوڵی ناکات، وردەکاری و خەلەلەکانی بۆ دیاری کردون”.
وتیشی، “کێشەی مووچە بەو شێوەیەی هەرێم دەیەوێت چارەسەر نابێت، چونکە مەبەستیان نییە چارەسەری بکەن، کێشەی موچە زۆر گەورەترە لەوەی هەرێم بە چەند خاڵێک باسی دەکات”.
