فڕۆکەکانی تورکیا جارێکی تر شارباژێریان بۆردوومانکرد

SNN

بەیانی ئەمڕۆ هەینی فڕۆکەی بێفڕۆکەوانی تورکیا بۆ جارێکی تر قەزای ماوەتیان لە شارباژێر بۆردوومانکرد، زیان بە ژینگەی سروشتی شوێنەکە گەیشتووە.

لە ماوەی کەمتر لە 24 کاتژمێردا، تورکیا جارێکی تر لە رێگەی فڕۆکەی بێفڕۆکەوانەوە کاتژمێر 7:30ی خولەکی ئەمڕۆ زنجیرە شاخەکانی ئاسۆسیان لە قەزای ماوەت بۆردوومانکرد.

بەگوێرەی زانیارییەکانی بەشێک لە دانیشتووانی گوندی گەڵاڵە کە سەر بە قەزای ماوەتە ئاشکرایانکردووە، بۆردوومانەکە دوربووە ؛ە شوێنی نیشتەجێبوونی هاووڵاتییان و هیچ زیانێکی گیانی نەبووە، بەڵام زیان بە سروشتی ژینگەی ناوچەکە گەیشتووە.

ئەمە لە کاتێکدایە هەر دوێنێ پێنجشەممە 22ی ئاب، فڕۆکەی بێفڕۆکەوانی تورکیا دوو جار گوندی گەڵاڵەیان لە سنوری شارباژێڕ بۆردوومانکرد.