کۆبوونەوەى ئەنجوومەنى پارێزگاى كهركوك بهڕێوهدهچێت
قهڵاى كهركوك له ناوهندى پارێزگاى كهركوك | فۆتۆ: عیماد جهبارى SNN
SNN
ئهمڕۆ شهممه 24ى ئاب، یهكهمین كۆبوونهوهى ئهنجوومهنى پارێزگاى كهركوك به سهرۆكایهتى محهمهد حافز سهرۆكى ئهنجوومهنهكه بهڕێوهدهچێت.
كۆبوونهوهكه لهسهر داواى محهمهد حافز، سهرۆكى ئهنجوومهنى پارێزگاى كهركوك بهڕێوهدهچێت و یهكهمین كۆبوونهوهى ئهنجوومهنهكهیه لهدواى ههڵبژاردنى سهرۆكى ئهنجوومهن و پارێزگارى شارهكه له رۆژى 11ى ئاب، له ئۆتێل رهشید له بهغدا.
له كۆبوونهوهكهدا، ههریهكه له ئهندامهكانى پارتى دیموكراتى كوردستان و حزبى سیاده و بهرهى توركمانى بهشدارى ناكهن.
خالید مەفرەجی، وتەبێژی حزبی سیادە لهو بارهیهوه، له نوێترین لێدوانى رۆژنامهوانیدا رایگهیاندووه، “حزبەكەمان سازش لەسەر مافی پێكهاتەی عەرەبی ناكات لە كەركوك، بۆیە لەگەڵ هاوبەشەكانمان لە پارتی دیموكراتی كوردستان و بەرەی توركمانی بڕیارمانداوە بایكۆتی دانیشتنی ئەنجوومەنی پارێزگا بكهین”.
رۆژى 20ى ئاب، دادگای باڵای فیدراڵی عێراق ئهو تانهیهى رهتكردهوه كه لهلایهن راکان جبوری، پارێزگارى پێشووى كهركوك به وهكالهت و حەسەن تۆران، سهرۆكى بهرهى توركمانى تۆماركرابوو، لهسهر پرۆسهى هەڵبژاردنی پارێزگار و سەرۆکی ئەنجوومەنی پارێزگای کەرکوک. سكاڵاكه رهخنهى له یاسایی بوونى پرۆسهكه گرتبوو.
رۆژى 11ى ئاب، له هۆتێل رهشیدى ههولێر به سهرۆكایهتى پهروین فاتیح، بهتهمهنترین ئهندامى ئهنجوومهنى پارێزگاى كهركوك رێبوار تهها به پارێزگارى كهركوك و محهمهد حافز به سهرۆكى ئهنجوومهنى پارێزگاى كهركوك ههڵبژێردرا.
