چەقۆ وەشێکی ئەڵمانی چوار کەس دەکوژێت و چوار کەسیش بریندار دەکات

SNN

شەوی رابردوو لە شارۆچکەی سۆلینگن ئەڵمانیا چەقۆوەشێنێک بە نێو بەشداربووانی ئاهەنگێڕانی شارۆچکەکە و کەوتووە و سێ کەسی کوشتووە و چوار کەسی دیکەشی بە سەختی بریندار کردووە.

وتەبێژی پۆلیسی دوسڵدۆرفی ئەڵمانیا بە ئاژانسی فرانس پرێسی ڕاگەیاندووە، هێرشەکە لە کاتی ئاهەنگێڕانی 650 ساڵەی دامەزراندنی شاری سۆلینگن بووە، کە دەکەوێتە باکووری ڕاین وێستفالیا، بەڵام هەموو شوێنەکان بە پۆلیس تەندراون و هەڵمەتێکی فراوان بۆ دەستگیرکردنی چەقۆ وەشێنەکە دەستی پێ کردووە و لە ئاسمانیشەوە بە هێلیکۆپتەر چاودێریی ناوچەکە دەکرێت.

ئەلیکساندەر کریستا ئاماژە بەوە دەکات: چەقۆ وەشێنەکە دەستی لە هیچ کەسێک نە پاراستووە و بە هەرچوار دەوری خۆیدا چەقۆی وەشاندووە، هەربۆیە داوا لە خەڵکی کراوە هەرچی زووە شوێنی ئاهەنگێڕانەکە چۆڵ بکەن و بڵاوەی لێ بکەن، بەڵام بە داخەوە بووەتەوە هۆی کوژرانی سێ کەس و برینداربوونی چوار کەسی دیکە، کە برینی دوانیان سەختە

ئاماژەی داوە، زانیارییەکی تەواویان لەسەر گومانلێکراوەکە لەبەر دەست نییە، بەڵام لە وێنە تۆمارکراوەکاندا ڕووخساری دەرکەوتووە و پۆلیسی سەرقاڵی کۆکردنەوەی زانیارییە لەسەر ئاشکراکردنی ناسنامەکەی.