“شاندى حكومهتى ههرێم و حكومهتى ناوهندیى لهبارهى هاوتاكردنى مووچه كۆدهبنهوه”
دراوى 25 ههزار دینارى عێراق | فۆتۆ: SNN
SNN
وەزیرى کار و کاروبارى کۆمەڵایهتى حكومهتى ههرێمى كوردستان رایدهگهیهنێت، وهزارهتى دارایی و ئابوورى و وهزارهتى كار و كاروبارى كۆمهڵایهتى حكومهتى ههرێمى كوردستان لهسهر پرسى هاوتاكردنى مووچهى كهمئهندامان لهگهڵ بهغدا كۆدهبنهوه، دهشڵێت: “داوامانكردووه بهغدا مووچهى تۆڕى پاراستنى كۆمهڵایهتى هاوتاى مووچه بنێرێت”.
ئهمڕۆ شهممه 24ى ئاب، كوێستان محهمهد، وهزیرى كار و كاروبارى حكومهتى ههرێمى كوردستان له پهراوێزى كۆنگرهیهكى رۆژنامهوانیدا له شارهزوور لهبهردهم میدیاكان وتى: “ئێمه داوامان كردبوو كه محهمهد شیاع سودانى، سهرۆكوهزیرانى عێراق ببینین و كۆبینهوه لهگهڵى لهسهر پرسى هاوتاكردنى مووچهى كهمئهندامان، بهڵام بهغدا به ئێمهى راگهیاند كه ئهوان دهیانهوێت وهزارهته پهیوهندیدارهكان لهسهر ئهم پرسه كۆدهبنهوه، بۆیه وهزارهتى دارایی و ئابوورى و وهزارهتهكهى ئێمه لهگهڵ وهزارهته پهیوهندیدارهكانى ئهوان كۆدهبنهوه”.
وتیشى: “ئێمه داوامان كردووه بهغدا مووچه بۆ 30 ههزار كهمئهندامى نوێ ببڕێتهوه و مووچهى تۆڕى پاراستنى كۆمهڵایهتى بنێرن بۆمان لهگهڵ مووچهكانى تر”.
لهبارهى پرسى ئهو كهمئهندامانهى كه ناویان دووبارهیه، كوێستان محهمهد ئهوهشى خستهڕوو، “900 كهمئهندامن كه ناویان لاى ئێمه و لاى ئهوانیش ههیه، له ئێستادا سهرقاڵى چارهسهركردنین”.
به وتهى وهزیرى كار و كاروبارى كۆمهڵایهتى حكومهتى ههرێمى كوردستان، “هیچ تێبینیهك لهسهر مووچهى مووچهخۆرانى وهزارهتهكهى نییه”.
