گەر بەڕێوەبەرەکەت فشاری لێ کردیت سکاڵا تۆمار بکە

SNN

وەزارەتی کار و کاروباری کۆمەڵایەتی حکومەتی هەرێمی کوردستان ڕایدەگەیێنێت، هەر کرێکارێک پێشێلکاری بەرامبەر بکرێت دەتوانێت سکاڵا لەدژی خاوەن کارەکەی تۆمار بکات.

بەڕێوەبەرایەتیی کار و کاروباری کۆمەڵایەتی ڕایگەیاند: ئەگەر خاوەنکار پێشێلکاری بەرامبەر کردن، پابەند نەبوو بە یاسا و ڕێنماییەکان، ڕێژەی کرێکاری بیانی لە پڕۆژەکەدا لە %25 زیاتر بوو، لە دەستەبەری کۆمەڵایەتی بۆ کرێکاران دەستەبەری نەکردن یان هەر کردارێکی دیکە کە هەستان کرد پێچەوانەی یاسا و ڕێنماییەکانە دەتوانن سکاڵا تۆمار بکەن.

کرێکارەکان دەتوانن ڕاستەوخۆ پەیوەندی بکەن بە هێڵی هۆشیاری کرێکاران ژمارە (5500)یان لەڕێگەی (واتسەپ یان ڤایبەر) نامە بنێرن بۆ ژمارە (07721225500) بە شێوەی نووسین یان پەیامی دەنگی، لە زووترین کاتدا لیژنەکانی پشکنەران بەدواداچوون بۆ سکاڵاکە دەکەن.