8 حاڵهتى تووشبوون به كۆلێرا له سلێمانى تۆمار كران
سلێمانى، پایتهختى رۆشنبیرى ههرێمى كوردستان | فۆتۆ: SNN
SNN
وەزیری تەندروستی حکومەتى هەرێمى كوردستان، تۆمارکردنی هەشت حاڵەتی تووشبوون بە کۆلێرای لە شاری سلێمانی پشتڕاستکردەوە، دوای گەڕانەوەی ئەنجامەکان لە بەغداوە.
د. سامان بەرزنجی، وەزیری تەندروستی حکومەتى هەرێمى كوردستان ئهمڕۆ شهممه 24ى ئاب، رایگهیاند، “دواى گهڕانهوهى ئهنجامى پشكنینهكان بۆمان دهركهوت ههشت حاڵهتى تووشبوون به پهتاى كۆلێرا له سلێمانى تۆمار كراون”.
وهزیرى تهندروستى لهبارهى هۆكارهكانهوه وتى: “چەند هۆکارێک هەیە بۆ نەخۆشییەکە، یەکەمیان ئەو شەمعانەن كه مۆڵەتی یاساییان نییە. نابێت ئەو سەرچاوە ئاوییانە بەکاربهێنن، پێویستە هاوڵاتییان خۆیان بەدووربگرن لە خواردنی ئەو سەوزانەی بە ئاوی قورس ئاودراون و تانکی ماڵەکانیان پاکرابگرن”.
پشتڕاستكردنهوهى حاڵهتهكانى تووشبوون به كۆلێرا دواى ئهوه دێن كه رۆژى پێنجشهممه د. سهباح ههورامى، بهڕێوهبهرى تهندروستى سلێمانى هۆشداریدایه هاووڵاتیان له خواردنى سهوزه و وتى: “ژمارهیهك نهخۆش له نهخۆشخانه خهوێندراون، پێویسته هاووڵاتیان وادابنێن كه ئهم حاڵهتانه كۆلێرایه”.
به وتهى بهڕێوهبهرى تهندروستى سلێمانى، “پلانیان ههیه رێكارى نوێ بگرنهبهر بهمهبهستى رووبهڕووبوونهوهى پهتاى كۆلێرا و رێگهگرتن له بڵاوبوونهوهى بهشێوهیهكى فراوان”.
