له‌ پاكستان كۆمه‌ڵێك چه‌كدار له‌سه‌ر رێگه‌یه‌كى گشتى 22 كه‌سیان كوشت

SNN
به‌ره‌به‌یانى ئه‌مڕۆ دووشه‌ممه‌ 26ى ئاب، كۆمه‌ڵێك چه‌كدارى نه‌ناسراو له‌سه‌ر رێگه‌یه‌كى سه‌ره‌كى له‌ ناوچه‌ى موسا خه‌يل له‌سه‌ر رێگه‌ى به‌لوجستان رێگریان له‌ خه‌ڵك كردووه‌ و له‌ ئۆتۆمبێله‌كانیان دایانبه‌زاندوون و لانیكه‌م 22 كه‌سیان كوشتووە.

به‌پێى هه‌واڵێكى ئاژانسى هه‌واڵى (AFP)، به‌ره‌به‌یانى ئه‌مڕۆ، “گروپێكى چه‌كدارى له‌سه‌ر رێگه‌ى سه‌ره‌كى پونجاب و به‌لوجستان له‌ ناوچه‌ى موسا خه‌یل هه‌ستاون به‌ وه‌ستاندنى پاس و ئۆتۆمبێلى هاووڵاتیان، له‌ ئه‌نجامدا 22 هاووڵاتى گیانیان له‌ده‌ستداوه‌ و پێنجى تریش بریندار بوون”.

نه‌جیبوڵا كاركار، به‌رپرسى ئه‌منى له‌ ناوچه‌ى موساخه‌یل له‌باره‌ى رووداوه‌كه‌وه‌ رایگه‌یاندووه‌، “هاووڵاتیه‌كان له‌سه‌ر رێگه‌گه‌بوو به‌هۆى گه‌شت و ئیشه‌كانیانه‌وه‌ كه‌ رێگه‌یان لێگیراوه‌ و كوژراون”.

به‌ وته‌ى ئه‌و به‌رپرسه‌، “گروپه‌ چه‌كدارییه‌كه‌ لانیكه‌م 10 ئۆتۆمبێلیشیان ئاگرتێبه‌رداوه‌”.

تاوه‌كو ئێستا هیچ گروپێكى چه‌كدارى به‌رپرسیاریه‌تى خۆیان له‌ هێرشه‌ چه‌كداریه‌كه‌ رانه‌گه‌یاندووه‌ و به‌رپرسانى ئه‌و وڵاته‌ش ئاماژه‌یان به‌وه‌كردووه‌، “لێكۆڵینه‌وه‌ له‌ رووداوه‌كه‌ ده‌كه‌ن”.

BREAKING Gunmen kill 22 in Pakistan after stopping buses, government says pic.twitter.com/egXumRLHLx

— AFP News Agency (@AFP) August 26, 2024