سەرەتای هەفتەی داهاتوو شەپۆلێكی بارانبارین هەرێمی کوردستان دەگرێتەوە
SNN
بەپێی پێشبینییەكانی كەشناسی، سەرەتای هەفتەی داهاتوو شەپۆلێكی بارانبارینی كورتخایەن ناوچە جیاجیاكانی هەرێمی كوردستان دەگرێتەوە و ماوەی 24 سەعات دەخایەنێت.
ٍٍشەپۆلەکەی هەفتەی داهاتوو، شەپۆلێكی كورتی بارانبارین پارێزگاكانی هەرێم دەگرێتەوە و كاریگەرییەكەی لە ئێوارەی رۆژی یەكشەممەوە دەستپێدەكات، تا ئێوارەی رۆژی دووشەممەی داهاتوو بەردەوامی دەبێت.
زۆرترین كاریگەری شەپۆلەكە لە سنووری پارێزگای سلێمانی، هەڵەبجە و راپەرین و گەرمیان دەبێت، لە سنووری هەولێریش ناوچە شاخاوییەكان دەگرێتەوە، سەبارەت بە پارێزگای دهۆك و زاخۆش وتی، ئاستی بارانبارین مام ناوەند دەبێت.
هاوكات، دەستەی كەشناسی عێراق بڵاویكردەوە، كەشوهەوای ڕۆژی یەكشەممە هەوری تەواودەبێت لەگەڵ ئەگەری بارانبارین لە هەرێمی كوردستان و پارێزگاكانی باكوور و ناوەڕاست.
