“ناكرێت حكومەتی هەرێم لەمەزیاتر مووچەخۆران و خانەنشینان سزابدات”

SNN-عەلی حەمەسەعید

پەرلەمانتارێكی فراكسیۆنی یەكگرتووی ئیسلامی لە پەرلەمانی عێراق ئاماژەبەوەدەكات بەهۆی پابەندنەبوونی حكومەتی هەرێم بە بڕیارەكانی دادگای فیدراڵییەوە ئەم دۆخە هاتووەتە ئاروە كە بەرۆكی فەرمانبەران و خانەنشینانی هەرێمی گرتووە، بۆیە ناكرێت لەمە زیاتر حكومەتی هەرێم لەمەزیاتر مووچەخۆران و خانەنشینان سزابدات.

دارا سێكانیانی، ئەندامی ئەنجومەنی نوێنەرانی عێراق لە فراكسیۆنی یەكگرتووی ئیسلامی بە SNNی ڕاگەیاند: مووچەی فەرمانبەران و خانەنشینانی هەرێم دوو پاڵپشتی بەهێزی هەبوو، یەكەمیان بڕیاری دادگای باڵای فیدراڵی بوو هەروەها دووەمیان یاسای بوجەی حكومەتی عێراق بوو، بەڵام بەهۆی پابەند نەبوونی حكومەتی هەرێم بە رێككەوتنەكان و بەبڕیاری دادگای باڵا ئەم بارودۆخەی دروستكرد.

ئاماژەی بەوەشكرد، حكومەتی هەرێم نەیتوانی پابەندبێت بەبڕیارەكەی دادگای فیدراڵی كە هەلێكی باش بوو بۆ حكومەتی هەرێم بۆ كۆتایی هێنان بە كێشەی مووچە، بەڵام حكومەتی هەرێم پابەندنەبوو نە بە تەوتینی مووچەی فەرمانبەران و لیستی فەرمانبەران وەكو پێویست نەبوو كە رادەستی دەكرد وە داهاتی ناوخۆشی رادەست نەكرد.

ئەو پەرلەمانتارەی فراكسیۆنی یەكگرتوو ئەوەشی خستەڕوو، حكومەتی عێراقی چەندینجار ئەمەی دووبارە كردووەتەوە كە نەختینەیەكی باشی هەیە و كێشەی مووچەی نیە، بۆیە ناكرێت بەهۆی كەمتەرخەمی حكومەتی هەرێمەوە فەرمانبەران و خانەنشینان سزابدرێن بەڵكوو رێكاری دیكە هەیە بۆئەوەی حكومەتی عێراق دژی حكومەتی هەرێم بیگرێتەبەر.