SNN-
ئاسایشی سلێمانی دەستگیرکردنی ئەو کەسەی راگەیاند که تەقەی لە بارەگای پارتی کرد لە ناحیەی عەربەت، دەرکەوت پێشمەرگەی هەمان حیزبە.
بەڕێوەبەرایەتی ئاسایشی سلێمانی بڵاویکردەوە، 7-10-2025 کاتژمێر 11ی شەو کەسێک بەناوی(ب،أ،ی،ک) لە دایکبووی (1995)تەقە لە بارەگای لایەنێکی سیاسی دەکات لەشارۆچکەی عەربەت، دوای بەدواداچوونی وردو کۆکردنەوەی زانیاری پێویست توانرا، تۆمەتبار دەستگیر بکرێت دەست بگیرێت بەسەر ئەو چەکەش لە جۆری کڵاشینکۆف کە تاوانەکەی پێ ئەنجام داوە.
ئاسایش دەڵێت، “تۆمەتبار دانى بەتاوانەکەیدا ناوەو پیشەی پێشمەرگەیە باوکی شەهیدی هەمان حیزبە، تەقەی لە بارەگاکەیان کردووە بەهۆی جێبەجێ نەبوونی داواکارییەکانی کە ئاراستەی حیزبەکەی کردووە هەڵساوە بە ئەنجامدانی ئەم تاوانە، لەئێستاشدا بەپێی ماددەی ٣١/٤٠٥ لەسەر فەرمانی دادوەر ڕاگیراوە”.
