سەرۆکایەتی هەرێمی کوردستان: گەشتەکانی فڕۆکەخانەی سلێمانی بۆ تورکیا دەستپێدەکەنەوە
فڕۆکەخانەی نێودەوڵەتی جەلال تاڵەبانی
SNN
سەرۆکایەتیی هەرێمی کوردستان لە راگەیەنراوێکدا ئاشکرایکردووە، لە کۆبوونەوەی نێوان نێچیرڤان بارزانی و رەجەب تەیب ئەردۆغان، فەرماندرا گەشتە ئاسمانییەکانی هێڵی فڕۆکەوانیی تورکیا بۆ سلێمانی دەستپێبکنەوە.
ئەمڕۆ پێنجشەممە 9ی تشرینی یەکەم، سەرۆکایەتیی هەرێمی کوردستان رایگەیاندووە، لە کۆبوونەوەی رەجەب تەیب ئەردۆغان، سەرۆککۆماری تورکیا لەگەڵ نێچیرڤان بارزانی، فەرمانی دا گهشته ئاسمانييهكانى هێڵى فڕۆكهوانيى توركيا بۆ سلێمانى دهست پێبكهنهوه.
لە بەشێکی پەیامەکەیدا هاتووە، “ئهم بڕياره له چوارچێوهى پهيوهندييه پتهوهكانى ههرێمى كوردستان و كۆمارى توركيادا دێت كه دڵنياين يارمهتيدهر و هاوكار دهبێت بۆ برهودانى زياتر به هاريكاريى هاوبهش و له بهرژهوهنديى ههردوولا و بهتايبهتى له بهرژهوهنديى هاووڵاتيانماندا له سنوورى سلێمانى دهبێت.”
هاوکات، یەحیا ئوستون، سەرۆكی پەیوەندییەكان لە هێڵی ئاسمانیی توركیا، لە راگەیەندراوێكدا لە تۆڕی کۆمەڵایەتی ئێکس بڵاویكردووەتەوە، بەم نزیكانە گەشتە ئاسمانییەكانیان بۆ فڕۆكەخانەی نێودەوڵەتیی سلێمانی دەستپێدەكەنەوە.
ئاماژەی بەوەکردووە، ئامانجمانە لە ڕێگای گەشتە ئاسمانییەكانی سلێمانییەوە كە حەوت ڕۆژ لە هەفتەیەكدا ئەنجام دەدرێن، بەشداری لە بەهێزكردنی زیاتری پەیوەندییە بازرگانیی، كلتووریی و گەشتیارییەكانی نێوان عێراق و توركیادا بكەین.
لەلایەکی ترەوە،هەڤاڵ ئەبوبەکر پارێزگارى سلێمانى دەربارەی بڕیارەکە رایگەیاند، خۆشحاڵن بە بڕیارى هەڵگرتنى سزاکانى سەر فڕۆکەخانەى سلێمانى لەلایەن تورکیاوە.
رۆژی دووشەممە، 6ـی تشرینی یەکەمی 2025، تورکیا راگرتنی گەشتەکانی بۆ فڕۆکەخانەی سلێمانی درێژکردەوە، بۆ یەکەمجاریش تورکیا لە 3ـی نیسانی 2023، ئاسمانی وڵاتەکەی بەڕووی فڕۆکەخانەی نێودەوڵەتیی سلێمانیدا داخست.
