بەڕێوەبەرایەتی نەوت و کانزاکانی هەولێر: خۆتۆمارکردن لە ئاپلیکەیشنی تاکسی ئارەزوومەندانەیە

SNN-

بەڕێوەبەرایەتی نەوت و کانزاکانی هەولێر ڕوونکردنەوەیەکی لەبارەی خۆتۆمارکردن لە ئاپلیکەیشنی تاکسی بڵاوکردەوە و ڕاگەیاند، پرۆسەی خۆتۆمارکردن لە ئاپلیکەیشنەکەدا ئارەزوومەندانەیە و بۆ ئەوەیە شۆفێران سوودمەند بن لە بڕێکی زیاتری بەنزین.

هەروەها، بەڕێوەبەرایەتییەکە جەختی لەوە کردەوە کە ئەگەر کەسێک خۆی تۆمار نەکات، کارتی سووتەمەنییەکەی وەک خۆی دەمێنێتەوە و هەفتەی یەک جار سوودمەند دەبێت لە وەرگرتنی بەنزین.

 بەڕێوەبەرایەتی نەوت و کانزاکانی هەولێر ئاماژەی بەوە دا کە زیاتر لە شۆفێرێک دەتوانن لە ڕێگەی یەک مۆبایلەوە یان بە هەر مۆبایلێکی تر خۆیان تۆمار بکەن.