خۆپیشاندەران هێرشیانکردە سەر نوسینگەی ئەنجومەنی نوێنەرانی عێراق لە بەسڕە
SNN
میدیاکانی عێراق بڵاویانکردەوە، ئێوارەی ئەمڕۆ دەیان خۆپیشاندەر هێرشیانکردووەتەسەر نوسینگەی ئەنجومەنی نوێنەران لە بەسڕە و لە هەوڵی سوتاندنی نوسینگەکەدابوون و ئاگریان بەرداوەتە بەردەم بیناکە.
ئێوارەی ئەمڕۆ هەینی خۆپیشاندەران لە پارێزگای بەسرە چونە ناو نوسینگەی پەرلەمان و دایانخست، پۆستەریشیان بە دەروازەكانیدا هەڵواسی كە لێی نوسرابوو “داخراوە بە فەرمانی گەل”.
هاوكات چەند سەرچاوەیەكی ئەمنی ئاماژەیان بەوەكرد، خۆپیشاندەران ئاگریان بەرداوەتە دەرگای پێشەوە و حەوشەی باڵەخانەكە، بەڵام دواتر لەلایەن هێزەكانی بەرگری شارستانییەوە ئاگرەكە كۆنترۆڵكراوە و هەوڵیشیانداوە بڵاوە بە خۆپیشاندەران بكەن.
بە گوێرەی میدیاکانی عێراق، خۆپیشاندانەكانی بەسرە بەهۆی كوشتنی ژمارەیەك چالاكوان و خۆپیشاندەرە لە چەند رۆژی رابردوودا لەلایەن چەكدارانی نەناسراوەوە، خۆپیشاندەران داوایانکردووە لە 48 کاتژمێری داهاتوودا ئەسعەد عەبدانی پارێزگاری بەسڕە دەستلەکاربکێشێتەوە.
