واشنتۆن راپۆرتێکی نوێ لەسەر پڕۆگرامی مووشەکی ئێران بڵاودەکاتەوە

SNN

وەزارەتی دەرەوەی ئەمریکا راپۆرتێکی ورد لەسەر پرۆگرامە مووشەکییەکەی ئێران و تواناکانی بڵاودەکاتەوەو دەڵێت ” هەرەشەیەکی جدییە بۆ ئەمنییەتی ناوچەکە”.

لە راپۆرتەکەدا هاتووە کە مووشەکەکانی ئێران ڕۆژ لە دوای ڕۆژ تواناکانی زیاتر دەبێت و ئێستا ئاستی مووشەکی بالستی ئێران دەگاتە وڵاتەکانی میسر و ئیسرائیل کە ئەمە دژی پەیماننامەکانی ئەنجومەنی ئاسایشی نێودەوڵەتی.

لە راپۆرتەی وەزارەتی دەرەوەی ئەمریکادا هاتووە کە ئێران بەهێزترین سیستەمی مووشەکی لە ناوچەکەو رۆژهەڵاتی ناوەراستدا هەیە نەجۆرێک کە خۆی دەگرێتەوە لە 10 جۆر مووشەکی بالستی جیاواز، کە توانا و هێزی جیاوازیان هەیە، لە راپۆرتەکەدا ئاماژە بە مووشەکی بالستی “Zolfaghar”ی زولفەقار، بالستی کراوە کە بەهێزترین مووشەکی بالستی ئێرانە، لەگەڵ مووشەکی (قیامە) و (شەهاب 3) کە دوو مووشەکی مەودا مامناوەندن، ئەمە سەرەرای چەندین مووشەکی کورت مەودای جیاواز.

ئەمریکا ترسی لەوەدایە کە لە کاتی ئێستادا ئێران لە هەوڵی بەهێزکردنی سیستمی ئاسمانی و چاودێری ئاسمانیدایە، کە ئەمە وا دەکات چەند هێندەی تر سیستمی مووشەکی ئەو وڵاتە کاریگەری زیاتربێت و ئامانجەکانی باشتر بپێکێت.